வயலின் வாய்ஸ்.

ஒவ்வொரு பிரபல பாடகர்களுக்கும் ஒரு தனியான குரல் இருக்கற மாதிரி இவரோட வயலின் இசைக்கும் ஒரு தனி குரல்/ஓசை இருக்கும். குன்னக்குடி வைத்தியநாதன் அவர்களோட வயலின் இசைக்கு. எங்கே கேட்டாலும் தனியா தெரியும். வயலின்ல பல விந்தைகள் செய்வாரு. எம்.கே.தியாகராஜ பாகவதர் பாடல்கள்ல பல பாடல்கள் எனக்கு முதல்ல இவர் வயலின் மூலமாதான் அறிமுகம். பசு மரத்தாணிபோல இன்னும் என் நெஞ்சுல பதிஞ்சுபோன இசை. திரைப்படங்களுக்கு இசையமைச்சிருக்காரு. ஒரு இசைப்பள்ளி வெச்சு நடத்துகிட்டு இருந்தாரு. இசையோட மகத்துவத்தை மட்டும் பரப்பாம, அதோட மருத்துவ குணங்களையும் ஆராய்ச்சி செஞ்சுகிட்டு இருந்தாரு.

சின்ன வயசுல எங்க ஊர் கோவில்ல பார்த்த நிகழ்ச்சில ஆரம்பிச்சு போன மாசம் வடபழநி கோவில்ல பார்த்த நிகழ்ச்சி வரைக்குமான காட்சிகள் மனசுல ஓடிட்டே இருக்கு. அவரோட திடீர் மறைவு இசைத்துறைக்கு ஒரு பேரிழப்புதான். அவரோட ஆத்மா சாந்தியடைய இறைவனை வேண்டுகிறேன்.